حياكم الله أخوي في جوّي من stc، تسعدنا مساعدتكم واجابة استفساراتكم،،،
تقدر بكل سهولة تحول باقتك وباقة ولدك الله يحفظه لجوّي من سوا، واذا طلبتم بحساب واحد (ايميل) راح تقدر تشاركوا المميزات المحدودة بين الرقمين لأي باقة/اضافة مفعلة بشكل مباشر على رقم منهم وماهي هدية أو عرض خاص، ومو بس كذا فيه امكانية اضافة رقم ثالث مثلا لو حبيتم جوّي وتستفيدوا من نفس الفكرة، يعني حساب واحد عليه 3 أرقام،
مبدئيا راح تطلب كل شريحة وعليها عرض وعروضنا قمة في التوفير تبدأ من 34.50 ريال شاملة الضريبة، وتقدر تطلب فيها الشريحة الثانية لو حبيت، بعد كذا راح تستفيد من خاصية المشاركة للمميزات المحدودة وفق الشروط اللي وضحتها لك.
و سعيدين برغبتك في الانضمام لنا و أحب أوضح إذا رقمك مفوتر ياليت تتواصل مع 900 للتأكد من تسديد أي مديونيات مستحقة لأنها قد تكون سبب رفض عملية تغيير الباقة إلى جوّي.
بالنسبة للاحتفاظ برقمك و تغيير باقة رقمك فالخطوات كالتالي:
1) أدخل متجرنا https://shop.jawwy.sa/ar و أضف الشريحة العادية اللي تبيها للسلة أو هنا https://www.jawwy.sa/ar/content/esim لشريحة إلكترونية، و بعدها اضغط "متابعة الشراء".
2) أنشئ حساب، وسجّل دخول عشان تقدر تكمل طلبك. راح تكرر نفس الخطوة لرقم ولدك.
3) في الأول يطلع لك خيار الاحتفاظ برقمك الحالي أو اختيار رقم جديد من جوّي. اختار "احتفظ برقم stc" عشان تغيّر باقتك.
4) أدخل رقم جوالك الحالي لاستلام رمز تحقق على جوالك لتأكيد طلب تغيير الباقة.
5) بعدها اختار طريقة الاستلام المفضلة لك إما "توصيل الى عنوانك" أو "الاستلام من الفرع" و تعبي البيانات المطلوبة، أدخل رقم جوالك مرة ثانية عشان توصلك رسالة تحقق لتأكيد الطلب.
6) أخيراً اختيار طريقة الدفع لاتمام طلبك.
في حال قبول الطلب، تغيير باقتك يكون في أقرب وقت ممكن إذا كان رقمك سوا و إذا رقمك مفوتر ياخذ حتى يومين عمل من وقت التوثيق الناجح (أيام العمل من الأحد إلى الخميس).
لمعلومات أكثر تفضل بزيارة هذا الرابط هنا
ملحوظة: إذا اخترت شريحة إلكترونية فالخطوات تختلف نوعاً ما، راح تحتاج اتمام الدفع أثناء الطلب و توثيق الشريحة باستخدام رمز التوثيق الموحد IAM code للحصول على رمز الـ QR لتفعيل شريحتك.
شاكرين تفاعلك على منتدى جوّي،
أخوك/ أحمد عمر
