الشريحة ما تتفعل

[MazenGh]

السلام عليكم..

انا عندي 5 شرايح بإسمي. قد فعلت 4 منها والحين لي تقريبا يومين احاول افعل الخامسة لكن كل مرة احاول ادخل على حسابي من البرنامج يطلع لي رسالة "جاري تجهيز الحساب" بعدين يطلع رسالة ثانية تقول "معليش! حصل خطأ غير متوقع. ياليت تحاول مرة ثانية وإذا استمرت المشكلة تواصل معنا عشان نساعدك."

- البيانات شغالة (ال100 ميجا) وكل المواقع تفتح ما عاد صفحة حسابي على موقع جوي و تسجيل الدخول في البرنامج.
- اتصلت على 123 و الرد الآلي شغال معاي
- حذفت الشرايح اللي كانت مسجلة في البرنامج بإستثناء 1 وخذفت البرنامج كامل ورجعت حملته

[Abdulla]

هلا اخوي @MazenGh

نتأسف على اللي صار معك، اخوي ياليت تحاول وتفعل الشريحة من موقعنا: www.jawwy.sa/ar

بعد ما تسجل دخولك في الموقع أختر "حسابي" وادخل رقم جوي ورقم الـIMEI حق جوالك.
ولمعرفة رقم الـIMEI حق جوالك اتصل على *#06#

ياليت تحاول هذي الخطوات وتعلمنى لو تفعلت معك الشريحة.

حنا في انتظارك.

عبدالله محمد.

[Ssm2015moo]

السلام عليكم ورحمة الله وبركاته

انا عميل لديكم واشتريت شريحة بيانات مع الموديوم 1250ريال عرض لمدة سنه مفتوح اللي صار انسرقت الشريحه مع الموديوم رحت للمحل اللي بتبوك وشرحت له الوضع وقالي بسيطه طلع شريحه بدل فاقد وخلاص قلت له اوكيه وطلبلي شريحه بدل فاقد من جدة 100ريال ولما وصلت الشريحه وجيت ابي اشغلها قلت له طيب فيه موديوم اشتريه قالي للاسف الشريحه ماتشتغل الا بنفس الموديوم حقها قلت الموديوم مسروق فقال لي ما راح تشتغل ولا فيه موديوم فقلت له وش فايدة الشريحه بدل فاقد ليه من اول ماقلت لي كذا وانا ابي حل للمشكله هذي او اذا فيه من العملاء اللي بالمنتدا مرة عليه نفس المشكله يفيدنا الله يجزاه خير على الاميلssm2015moo@gmail.com

[Abdullah1]

هلا اخوي @Ssm2015moo

نتأسف على اللي صار معك.

أول شيء اخوي حاب اقولك ان لا يوجد لدينا في جوي بيانات لا محدودة، وشريحة جوي هي بيانات واتصال لا يوجد لدينا شريحة بيانات.

وايضاً اخوي إيميلك إلي زودتنا به لا يوجد أي رقم تحته

ياليت اخوي تتأكد لو شريحتك كانت من جوي ؟

لا تتردد بمراسلتنا اذا احتجت مساعدة في أي شيء ثاني عبر المحادثة المباشرة والرسائل في صفحة المساعدة أو عبر مواقع التواصل الاجتماعي الفيس بوك و تويتر وراح يتم الرد عليك بشكل مباشر.

شكراً لتواصلك معنا.

عبدالله محمد.