الشريحة لم تفعل

[BAzaid]

السلام عليكم انا شريت شريحه جديده من جويي ووصلني الموظف وبصمت وكل شي وحطيت الشريحة في الجهاز يطّلع لي شبكه جويي بس المكالمات مايتصل والمشكله مدري كم الرقم حق جوي وانلحس مخي مدري وش الدبره

[AmmarHamed · Accepted solution]

وعليكم السلام ورحمة الله وبركاته

نعتذر على الإزعاج اللي حصل لك، واضح في النظام أن فيه خطأ حصل إثناء توثيق الشريحة بالبصمة.

راح ارفع لك طلب للقسم المختص بخصوص اللي حصل معاك وراح يتم التواصل معاك بأقرب وقت ممكن على إيميلك.

رقم الطلب المرفوع: 19447

دُمت بود،

عمار،

[BAzaid]

طيب وش صار على الطلب؟

[Abdulla]

هلا اخوي @BAzaid 

 اخوي طالع لي في النظام ان طلبك مرفوع للقسم المختص ونتاسف على التاخير وباذن الله موضوعك راح ينحل في اسرع وقت ممكن  ويتم التواصل معك.

مقدرين حسن تعاونك

عبدالله محمد.

[BAzaid]

ماحد تواصل معاي لي أسبوع كامل وانا انتظر وش صار معاكم

[Abdulla]

هلا اخوي @BAzaid

نتاسف اخوي على التاخير وحنا مقدرين صبرك، وانا راح احدث طلبك عشان يتم التواصل معك في اسرع وقت ممكن.

مقدرين حسن تعاونك.

عبدالله محمد.

[BAzaid]

السلام عليكم انا جاتني شريحة بديلة قبل تقريبا نص ساعه وشعلتها في الجهاز عين تشتغل مدري وش المشكلة هل اصبر شوي ولا كيف الوضع بالضبط

[BAzaid]

اتصلت على الرقم الي جاني قالي مكالمتك لا تتم حسب الطريقة التي استعملتها تأكد من الرقم الصحيح وشكرا نقس المشكله ماتفعلت الشريحة ولا كيف؟؟؟

[Jawwy-Admin5]

حياك الله اخوي،

ياليت تتصل على 123 و تخبرنا لو سمعت الرد الآلي لجوّي، و ياليت تبخرنا لو في ارسال و علامة جوّي بأعلى الشاشة.
و جرب تطفي الواي فاي و تشغل البيانات و تسوي بحث عن اي شي بقوقل عشان نتأكد من ان بيانات الشريحة شغالة. 
وراح يتم التحقق من حسابك في النظام و بنتحقق منالنظام يالغالي .
ننتظر تفاعلك يالغالي عشان نقدر نخدمك بشكل افضل. 

دُمت بِود،

نورة عبدالله.

[BAzaid]

شعار شبكة جوي يطّلع لي بس لا جيت اتصل على اي رقم على طول يطّلع لا يمكن إتمام المكالمة والبيانات ماتشتغل و١١٢٣ مايتصل على طول يفصل