نظارات سناب شات الجديدة Snapchat Spectacles
amanik
مشرف
مشرف

نظارات سناب شات Snapchat spectacles

snap1.png

النظارات الجديدة اللي أعلنت عنها الشركة في شهر أكتوبر اللي راح الهدف منها تصوير مقاطع فيديو في حياتك اليومية عشان تشاركها مع أصدقائك أو تحتفظ فيها.

 

Snapchat Memories

سناب شات ميموريز ميزة جديدة في تطبيق سناب شات وهي تحفظ لك كل القصص "Stories" والمقاطع اللي تصور فيها بالنظارة عشان تحصلها في مكان واحد.

هالخدمتين مع بعض بيسوون قفزة رهيبة لمحبين سناب شات، وعشان تستفيد من هالخدمتين تحتاج طبعًا تعتمد على خدمة جوال كويسة، مثل خدمة جوّي الجديدة اللي فيها خدمات مميزة تخليك تتحكم بباقتك بنفسك بسهولة وتصميم باقة الدقايق والنت بتفاصيلها على كيفك عن طريق تطبيق تحمّله على جوالك.

 

مميزات نظارة Snapchat spectacles

snap2.png

في طرف النظارة كاميرا عدستها عريضة، وعشان تقدر تصوّر فيديو اللي عليك بس تضغط زر في طرف النظارة من الجهة الثانية للكاميرا وراح يسجّل لك 10 ثواني من نفسه، ولو ضغطت مرتين راح يسجّل 20 ثانية و 3 مرات 30 ثانية وهي أكثر مدة تقدر تصوّر فيها للفيديو الواحد.

 

وعلشان موضوع المحافظة على خصوصية الناس؛ الزر حق التسجيل يكون عليه إضاءة حوالينه وهي تصوّر، عشان تنبّه اللي تصورهم إن فيه تسجيل بهاللحظة.

والنظارة تقدر تربطها بجوالك بالبلوتوث وراح تحفظ أي مقطع تصوّره بشكل آلي في Snapchat Memories مثل ما قلنا لكم، وبخصوص شحن النظارة تحطها في البيت المخصص لها واللي فيه وصلة شحن خاصة فيها، وللمعلومية بطاريتها تجلس معاك حوالي يوم.

 

وين تحصّل النظارة؟

إلين شهر نوفمبر الجاي ما راح تقدر تحصّل النظارة إلا عن طريق جهاز يشبه مكينة الصرّاف ATM واسمه Snapbot، وسعرها 130$ تقريبًا، وتقدر تعرف مكان الجهاز من هذي الخريطة على موقع سناب شات، ومكانه راح يتغير يوميًا.

https://www.youtube.com/watch?v=Vc9SOkPWqIQ

 

وهنا واحد نشر تويتة لفيديو وهو يصوّر اللي صافين طابور عشان يشترون النظارة:

https://twitter.com/kenchung/status/796911145357479936

 

ونتصور إنه ما راح يطول الموضوع إلين يتوفر بيعها على النت.

1 تعليق
Khalid99
مشارك عابر

 حقيقة نظاره تستحق ان الواحد يشتريها وان شاء الله  تتوفر قريب 👍👍👍👍

نبذة عن الكاتب
Error 404 Page