جهاز جوجل الجديد Google Pixel
amanik
مشرف
مشرف

أهم المعلومات عن جوجل بكسل الجديد Google Pixel

 

أيش الإصدارات اللي قدمتها شركة جوجل في الجهاز، وأيش هي مميزاتها؟

زيها زي شركات سامسونج وآبل، جوجل أعلنت عن نسختين من جهازها، واحد بشاشة 5 إنش، والثاني XL بشاشة 5.5 إنش.

google phone.jpg

بخصوص الشاشة، فـ Google Pixel دقة شاشته تعتبر عالية، ونوعها AMOLED، ومقاسها 5 إنش، وهي مصنوعة من زجاج Gorilla 4 اللي يتميز بقوته المقاومة للكسر، والجهاز الثاني هو Google Pixel XL وهو مثلGoogle Pixel في المواصفات، بس الفرق إن شاشته حجمها أكبر (5.5 إنش).

 

الكاميرا الخلفية في الجهازين دقتها 12.3 ميجا بيكسل، وفتحة العدسة F2.0، والجهازين تقدر تصور فيهم فيديوات بدقة عالية 4K، أما الكاميرا الأمامية دقتها 8 ميجا بيكسل.

المعالج في الجهازين يدعمون بنية بيانات 64-bit، وهو رباعي النواة بسرعة 2.15 جيجا هيرتز، ومعالج الرسومات نوعه Adreno 530، والذاكرة العشوائية للجهازين هي 4 جيجا بايت.

 

أيش الجديد بشأن البرامج الخاصة في Google Pixel؟

طبعًا مثل سلسلة أجهزة نكسس فأهم شيء يتميز فيه Google Pixel هو تحديثات النظام اللي راح يوصل لمستخدمينه أول بأول ، والجهازين بيكونوا بنسخة أندرويد 7 اللي يسمونه "نوجا"، وهو يعتبر أول جهاز يكون عليهGoogle Assistance.

نظام أو برنامج Google Assistance هو نظام ذكي من تطوير جوجل نفسها، الهدف منه يقدم لك خدمات مثل فكرة Siri في أجهزة آبل، وعن طريقه تقدر مثلًا تطلب منه يسوي لك حجوزات أو يتصل على أحد جهات الاتصال عندك، وتقدر كمان تسولف وتلعب معه.

google phone 2.gif

فيه تطبيقين بيكونوا داخل جهاز Google Pixel، وهم Allo للمحادثات ويعتبر بديل لتطبيق Hangouts، وتطبيق Duo لمحادثات الفيديو واللي يميزه إنه خفيف مرّة في استهلاك البيانات مقارنة بالتطبيقات الثانية، وعشان تتابع استهلاك هالتطبيق أو غيره، تقدر تتابع باقتك بسهولة لشريحة جوّي الجديدة، واللي تخليك عن طريقها تقدر تراقب استهلاكك لباقة النت، وكمان تسمح لك بزيادة البيانات إذا قرّبت تخلص باقتك عليك.

google phone 3.png

أهم مميزات Google Pixel عن نكسس

google phone 4.png

منتشرة في بعض المواقع مقولة "Nexus is dead. Pixel is king" ومعناها "أجهزة نكسس ماتت، وأجهزة بكسل هي الملك"

وهذي تبين أهمية اللي راح يجي مستقبلًا من شركة جوجل.

أكبر فرق أعلنوا عنه إن Google Pixel راح تعطي مستخدمينه مساحة غير محدودة في جوجل درايف "خدمة تخزين سحابي خاصة بجوجل"، والنقطة الثانية هو إن الجهاز راح تجي معاه البرمجيات الجديدة.

وبخصوص تصنيع الجهاز مثل ما قلنا لكم في بداية المقال راح تكون من صناعة شركة جوجل 100%، وهذا يعطي الجهاز دعاية قوية بسبب سمعة الشركة المعروفة، فهذي تعتبر أقوى إضافة للبكسل.

وزيادة على هالمميزات، الجهاز صمموه بشكل يناسب تقنية الـ VR "الواقع الإفتراضي"، وهو فيه إمكانية الشحن السريع لدرجة إنك بس تشحنه 15 دقيقة ويكفيك استخدام 7 ساعات، وزيادة على كذا يقولون الخبراء إن الكاميرا الخاصة فيه راح تكون أفضل كاميرا في الهواتف الذكية حتى الآن!

https://www.youtube.com/watch?v=Rykmwn0SMWU

 

أسعار الـ Google Pixel

أول شيء لازم نعرف إن الجهازين يصنفون من الأجهزة اللي تعتبر عالية في السعر، وهذا مختلف عن وضع أجهزة نكسس السابقة، فهي كانت تتوفر بأسعار رخيصة مقارنة بمواصفاتها، وكانت الشركات توفر جهاز ثاني بسعر رخيص نسبيًا، بس هالمرة الجهازين كلهم أسعارهم تعتبر مرتفعة.

بالنسبة للأسعار.. سعر Google Pixel هو 649$ لمساحة 32 جيجا بايت، و 749$ لمساحة 128 جيجا بايت، أما جهاز Google Pixel XL فسعر الجهاز بمساحة 32 جيجا بايت هو 769$، و869$ لمساحة 128 جيجا بايت، وهي نفس أسعار الآيفون والآيفون بلس بالضبط.

3 تعليقات
نبذة عن الكاتب
Error 404 Page