بوكيمون Go هي أول لعبة لنينتندو في تطبيقات الواقع المعزّز لأجهزة آبل وآندرويد، واللي أثبتت شعبيتها حول العالم بسرعة مو طبيعية. لدرجة إن سعر سهم شركة نينتندو ارتفع أكثر من 50٪ وقرّب يصير عدد مستخدمي بوكيمون GO أعلى من تويتر!
بوكيمون GO تعتمد على موقعك الجغرافي وكاميرة جوالك، بحيث تطلع لك خريطة داخل اللعبة تعتمد على خرائط الشوارع الحقيقية. والخريطة تحدد أماكن شخصيات البوكيمون في أماكن حقيقية، مثلًا ممكن تلاقي شخصية للبوكيمون في غرفتك أو قدام بيت جارك أو حتى في الشارع. وكل اللي عليك تسويه ترمي كورة البوكيمون من شاشتك على الشخصية عشان تصيدها، ومع الوقت تجمع شخصيات ثانية تطورها وتستخدمها في تحديات ومنافسات ضد لاعبين ثانين في اللعبة. طبعًا الهدف من اللعبة انها تخليك تتحرك وتستكشف الأماكن حولك وتتسلى في جمع شخصيات البوكيمون.
هذا عرض دعائي للعبة بوكيمون GO:
حالياً اللعبة متوفرة رسميًا في أمريكا واستراليا ونيوزيلندا، وراح تتوفر لباقي العالم بشكل تدريجي. إذا كنت متحمس لتجربتها اتبع هذه الخطوات لـ:
تحميل بوكيمون Go على الآندرويد
إذا ما لقيت اللعبة في متجر جوجل تقدر تحمّل ملف الـ APK من هنا لكن لازم تسمح لجوالك يثبت التطبيقات من خارج المتجر عن طريق الإعدادات (هنا شرح للطريقة).
تحميل بوكيمون Go على الآيفون
إذا ما لقيت اللعبة في متجر آبل لازم تستخدم حساب أمريكي عشان تحمّلها، أو تسوي حساب جديد ويكون أمريكي (هذا فيديو يشرح الطريقة)
وعيش جوّك يا صياد!
