السلام عليكم . أرجو ان تكون افكاري و ملاحظاتي خفيفه عليكم
* اضافة التك توك من ضمن مجموعة السوشل او وضع مفتاح خاص فيها
* باقه جديده تمكن من تحديد اربع تطبيقات اختياريه لمجموعة السوشل ميديا تحدد من قبل العميل بدال ما تحددها لي الباقه
* ملاحظتي على صمم باقتك تحتاج النظر فيها من ناحية زياده في خياراتها وطريقة تسعيرها.
- ممكن اضافة خيار فيها لاختيار مقدار بيانات للسوشل ميديا أو تطبيق مفضل لتكون الباقه اكثر جدوى ومرونه . الصدق هذي الباقه نايمه ما جاها اي تطوير كل الي اعرفهم اسأله عن تجربته مع ذي الباقه فاحصل الى على جوابين فقط . الاول انها غاليه ما تسوى الثاني مابعد جربتها . اذا ما فيها تطوير شيلوها أو لا توهمون انفسكم انها معطيتكم تميز .
* اضافة نقاط ولاء وفيها هدايا. تعتمد مثلا على انتظامي في التجديد يعني تحفزني ما اشحن شريحتي الثانيه مع مشغل ثاني . ايضا نقاط تعتمد على عدد مرات استخدامي لقوقل ماب هاذي تحفز مناديب التوصيل والتطبيقات يستمرون معي أو تكون باقه تستهدف شريحة المناديب والكباتن قوقل ماب وواتسب مفتوح فقط والباقي محدود . ايضا نقاط ولاء تعتمد على استهلاكي من بيانات ومكالمات يعني كل ما استهلكت اكثر جاني نقاط اكثر عشان ما اضطر استخدم شريحتي الثانيه الي نتهم ارخص . يعني خلني ما اتعداك ولازم استخدم خدماتك عشان استفيد . ولا ادور غيرك .
* هناك حقيقه فجوه غريبه في تسعير الباقات كيف باقه 60 ريال واقرب وحده لها 150 ريال . فيه شي عندكم غريب في التسويق .
* تجيبون ناس جدد بسنارة العروض بعدين تطردون نصهم باسغفالم اذا شلتوها . ترى شعور اني ضحيه واني مستغلّ جدا سيء . يأاخي انت جبتني بتسعيره معينه احطلي شي بديل لها انا أطمأن وابقى عليه واحس بالأمان عندك. ترى شوية وعي منك باحتياجاتي تخليني ابقى عندك ولو انك اغلى شوي .
"قطعاً كفة الجوده فالمنتج تحتاج وزن" .
المشهد يأكدلب أن هذي المدرسه المستخدمه عندكم فالتسويق ليست مدرسه تفهم الثقافه السعوديه ....
* اسلوب التسويق ينفّر ومستحيل يخلق ولاء . كيف صار سعر متوسط القيقا اكثر من المفوتر ....
* الآن حنى في دحديرة ركود وخفض الإنفاق لازم انكم تتأكدون انكم مع هذا التيار ....
* تحليلي إن نسبة الحفاظ على على العملاء ضعيف عندكم . إذا تحليلي صحيح..... نصيحه:-
1 - دماء التسويق عندكم تحتاج تجديد 2 - إدارة المبيعات ضغيفه ولازم تكون شخصيتها قويه .
*وإذا التكلفه عالية مافيها شي انكم تفاوضون كل فتره تحولون تنزّلون السعر عليكم .
* إذا تحليلي خطأ إنسو كل ملاحظاتي وكني ما قلت شي وآعتذر على الزعاج.
دمتم بود وتوفيق
تحياتي
