فلاتر "جيو فيلتر" الجديدة من سناب شات
مشارك ممتاز
مشارك ممتاز
‎05-12-2016 02:16 PM
‎05-12-2016 02:16 PM

من بدا سناب شات ومستخدمينه يستعملون الفلاتر اللي يسويها ويرسلها المصممين وتحدثها سناب شات كل فترة، وقبل فترة بسيطة طلّعت سناب شات  خدمة بفلوس اسمها "جيو فيلتر" واللي تسمح للناس يطلّعون فلاتر خاصة فيهم بعد ما يصممونها ويضيفونها على موقع ووقت معين.

geo 1.png

فلاتر GeoFilter "جيو فيلتر" الجديدة

لو تدخل الحين على موقع سناب شات الرسمي راح تلقى خيار جديد في القائمة الرئيسية، وهو GeoFilters، ومثل ما قلنا لكم هي خدمة جديدة تخلي الناس عن طريقها يقدرون يستخدمون فلاتر مخصصة بالمكان اللي هم فيه.

 

كيف تشتغّل هذي الفلاتر؟

عشان تسوي فلتر جغرافي لازم أول شيء تدخل على هذي الصفحة وتسوي تسجيل دخول، بعد كذا تحدد موقع على الخريطة اللي معروضة قدامك، وبعدها يا تكون مصمم فلتر ترفعه لهم وطبعا لازم يصير مطابق لمعايير هم موضحينها في الصفحة، أو تختار واحد من الفلاتر الجاهزة في الصفحة وتعدل عليه تعديلات بسيطة مثل الألوان وكتابة وغيرها، وآخر شيء عشان تفعّل الفلتر لازم تدفع مبلغ محدد وهالمبلغ يزيد حسب مساحة المنطقة اللي حددتها والمدة.

 

geo 2.png

 

كيف أقدر استخدم هذي الفلاتر؟

geo33.JPG

 علّمناكم كيف تشتغل هذي الفلاتر، بس كيف تقدر تستخدمها؟ الموضوع مرّه سهل، إذا كنت في المنطقة والوقت اللي حددت ودفعت عليها قيمة الفلتر ووافقوا عليك عليه سناب شات طبعًا، راح تحصّل هذا الفلتر ضمن الفلاتر الموجودة في التطبيق، يعني بعد ما تصوّر الفيديو أو الصورة تلف باصبعك يمين أو يسار لحد ما يطلع لك الفلتر.

لو فرضنا مثلا إنك سويت فلتر خاص بمناسبة معينة أو كشتة بَرْ، وفي رحلتك تقدر طبعًا تستخدم هذا الفلتر وأنت موجود في نفس المكان والوقت، وعشان تضمن اتصالك وتغطيتك في رحلتك نقترح عليك تستخدم باقة إنترنت ما توهّقك ومضمونة مثل خدمة جوّي ، خاصة إنها تتيح لك إنك تتحكم بباقتك من تطبيق تحمّله على جوالك، وبكذا ما راح تخاف إن باقتك تنتهي عليك وأنت في الكشتة.

 

أيش استخدامات هذي الفلاتر

سناب شات طلّعت هذي الفلاتر للاستخدام الشخصي والتجاري بعد، ففيه بعض الفنادق مثل سلسلة فنادق W Hotels استخدمت هالميزة عشان تطلع فلاتر خاصة فيها للمقيمين بالفنادق، وممكن طبعًا الشخص العادي يصمم له فلتر عشان يستخدمه لأي مناسبة له ولأصدقائه مثلًا.

geo4.jpg

نبذة عن الكاتب

سلة تسوقك