أيش هي الجمعة السوداء؟ وهل هي تختلف عن يوم العزّاب؟
مشرف
مشرف
‎22-11-2016 11:21 AM
‎22-11-2016 11:21 AM

أول شيء بنتكلم معكم عن اليوم اللي يعتبر أهم هذي الأيام بالعالم في البيع على الإنترنت، وهو الجمعة السوداء، في هاليوم أكبر شركات البيع على الإنترنت تسوي تخفيضات قوية، ويقولون إن يوم الجمعة السوداء سمّوه كذا من شرطة فيلاديلفيا في أمريكا في عام 1966م ، بسبب إنهم كانوا يشوفونه يوم أسود عليهم من كثر الحوادث اللي تصير بسبب زحمة الناس وهم يتسوقون.

بالنسبة لموعد الجمعة السوداء، فهو يتغير من سنة للثانية وهو يوافق تاريخ آخر جمعة من نوفمبر، وبكذا بيكون هالسنة يوم الجمعة الجاي في تاريخ 25 نوفمبر.

وحسب ما قال موقع Fortune.com، الرقم القياسي في مشتريات الجمعة السوداء كان في عام 2015 ومجموع المشتريات كان 4.45 مليار دولار أمريكي! (حوالي 16.70 مليار ريال).

 

كيف تشتري في يوم الجمعة السوداء؟

عشان تستفيد من خصومات في هاليوم، تقدر تتابع مواقع كبيرة خاصةً أمازون و eBay، فهم يعتبرون أقوى موقعين، وفيه مواقع كثير غيرها تقدر تستفيد منها تلقاها هنا.

وعشان تضمن إنك تقدر تشتري أي عرض يناسبك لازم يكون عندك حساب بريد أمريكي لأن بعض المواقع والبائعين ما يشحنون برا أمريكا.

آخر شيء.. بخصوص طريقة الوصول للموقع والشراء، خلك حريص إنك تطلب العروض الأقوى أول شيء، لأن مع الزحمة والضغط ممكن تفلت منك بعض هالعروض، وإذا كنت تشتري عن طريق الجوال فالأفضل والأسهل إنك تحمّل تطبيقات هذي المواقع على جوالك، وبعد كذا لازم يكون عندك اشتراك في خدمة جوال ما توهقك في يوم الشراء مثل خدمة جوّي الجديدة واللي تسمح للمستخدمين إنهم يزيدون ويعدلون على كمية البيانات والدقايق متى ما بغوا عن طريق تطبيق يتحمّل على الجوال.

 

أيام "إثنين الإنترنت" و "يوم العزاب"

2.jpg

بالنسبة ليوم Cyber Monday فهو يوم الإثنين اللي يجي بعد الجمعة السوداء مباشرة، وتحصّل فيه عروض مميزة، بس غالبًا يكون مستواها أقل من عروض الجمعة السوداء.

وتقدر تشوف عروضه من نفس مواقع الجمعة السوداء، وحسب ما قال موقع Money.CNN الرقم القياسي للمشتريات فيه كان 3.07 مليار دولار أمريكي (13.9 مليار ريال تقريبًا).

 

 3.jpg

آخر شيء بنتكلم عنه هو يوم العزّاب الصيني، ومع إنه مو أشهر يوم في العالم للشراء عن طريق النت، إلّا أنه يعتبر أكبرهم في المبيعات.

ويكون تاريخه في 11/11، وهو تعبير عن احتفال الأشخاص العزّابية الغير مرتبطين، وجاء في هاليوم رقم قياسي في المبيعات على مستوى السنة كلها، وآخر يوم للعزّاب في يوم 11 نوفمبر اللي راح، يقول موقع Forbes.com  إن قيمة المبيعات كانت 14.3 مليار دولار أمريكي (53.6 مليار ريال!).

نبذة عن الكاتب

سلة تسوقك