أيش تعرف عن التخزين السحابي؟ وأهم الطرق الجديدة في تخزين البيانات
مشارك ممتاز
مشارك ممتاز
‎23-01-2017 10:57 AM
‎23-01-2017 10:57 AM

نقصد بالتخزين السحابي هو إنك تقدر تخزن الملفات على الإنترنت، طبعا بشرط إنها تكون مخزّنة على خدمة سحابية تستخدم سيرفرات افتراضية، بس إنها تبين لك كأنها مخزنة في مكان واحد.

وعشان نوضح لكم الصورة أكثر، لو قلنا على أي خدمة تخزين إنها سحابية هذا يعني إن الخدمة تستخدم أكثر من كمبيوتر  باعتبار إنه سيرفر (خادم)، وبطريقة معينة يدمجون هذي الأجهزة عشان تكوّن خادم قوي يخدمنا كخدمة تخزين سحابية.

 

ليش نفضّل الخدمات السحابية عن الاستضافات العادية؟

pic2.png

بما إن الخدمة السحابية تعني أن يكون فيه أكثر من جهاز كمبيوتر يخدم عشان يوفر خدمة مميزة للتخزين أو تقديم أي خدمات، يعني يخلي إمكانية إن الخدمة تتوقف نادرة جدًا، وهالشئ يعطي ضمان أكثر إنك تحافظ على بياناتك.

أما بخصوص الاستضافات العادية فهي تعتمد غالبًا على جهاز واحد بس، وهالشئ يعني لو خرب الجهاز أو صار له مشكلة ممكن هالشئ يسبب توقف في الخدمة، وفيه نقطة بعد بخصوص الخدمات السحابية وهو إن تطويرها يكون سهل.

 

ما هي أهم خدمات التخزين السحابي؟

في مجموعة خدمات سحابية متوفرة سواء مجانية بسعات محدودة أو بفلوس وسعاتها مفتوحة أو كبيرة، وطبعا أهمية هالخدمات مثل ما قلنا لكم هي في توفير تخزين الملفات لمستخدمها، وفي نفس الوقت توفر خيارات للوصول لهذي الملفات بأكثر من طريقة.

وعشان نوضح لكم؛ نفرض مثلًا إنك مسافر وتبي تصور صور كثيرة وبعدها تبي تحفظها عشان تقدر تفرّغ مساحة من جوالك وما يمتلي، في هالحالة تقدر إنك ترفع صورك على أحد الخدمات اللي راح نتكلم لكم عنها وبعدها تحذف الصور من جوالك، وعشان تسوي كذا  فأنت تحتاج إلى باقة إنترنت تكفيك لرفع الملفات وأنت مسافر وما تنقطع الخدمة عنك، ونرشح لك إنك تستخدم شريحة جوّي اللي توفر لك خيارات سهلة ومميزة للتحكم بالباقة وأنت مسافر وتزيد كمية بيانات النت على كيفك في أي وقت عن طريق تطبيق تحمّله على جوالك.

pic3.jpg

 

جوجل درايف – خدمة تقدمها جوجل، ويكفي إنها من جوجل عشان تبين لنا مدى قوتها، وتستخدم هذه الخدمة السحابية لتخزين الملفات بأنواعها، وتقدر تستخدمها من أي جهاز مربوط بالإنترنت، ولها تطبيق على الأجهزة الذكية وتطبيق على أجهزة الكمبيوتر وموقع على الإنترنت.

 

دروب بوكس تعتبر كمان من أقوى خدمات التخزين السحابي، وتوفر خدمات مميزة تسهل تخزين الملفات والوصول لها في أي وقت، ولها تطبيق على الكمبيوتر والأجهزة الذكية موقع على الإنترنت، واللي خلاها ممكن ما تكون الأكثر استخدام حاليًا إنها ما تتبع لشركة كبيرة مثل قوقل أو آبل تدعمها.

 

iCloud – خدمة مقدمة من آبل، وهي خاصة بس بمستخدمين أجهزة آبل بشكل عام مثل الآيفون والآيباد والماك، وتستخدم لتخزين الملفات اللي يحتفظ فيها مستخدمين هذي الأجهزة، وأكثر استخدام لها هو حفظ نسخة احتياطية من بيانات الآيفون والآيباد لاسترجاعها بعدين على نفس الجهاز أو أي جهاز ثاني.

pic4.jpg

OneDrive – خدمة تدعمها شركة تقنية قوية وهي مايكروسوفت، وتقدم الشركة هذي الخدمة لكل المستخدمين، لكنها تعطي ميزات أكثر لمستخدمين منتجاتها مثل الأوفيس أو الويندوز.

 

وفيه خدمات ثانية موجودة لكنها تعتبر أقل شهرة من الخدمات السابقة، وممكن تستفيدون منها بسبب المساحات المجانية اللي توفرها لكم، وأهم هالخدمات:

3 تعليقات
خالد1
مشارك جديد

السلام عليكم 

 كبف اقدر اشحن شريحة جوى من نظام سداد 

كابتن جوّي
كابتن جوّي

هلا اخوي @خالد1

 

نتأسف على التأخير في الرد.

تفضل الرابط هذا لمعرفة طريقة الشحن باستخدام سداد: كيف أشحن عن طريق نظام سداد ؟

 

 

شكراً لتواصلك معنا.

عبدالله محمد.

Nourelfakeh
زائر عابر

السلام عليكم 

لي سؤال بسيط 

ما وجهة نظركم في الإصرار على أن تكون اللغة  العامية هي اللغة الأساسية بالموقع؟ لم تستبدلون الذي هو أدنى بالذي هو خير؟ 

اتقوا الله في لغة القرآن. 

نبذة عن الكاتب

سلة تسوقك