أيش الجديد في بلايستيشن 4 برو ، وأيش هو بلايستيشن VR؟
amanik
مشرف
مشرف

أيش الجديد في بلايستيشن 4 برو ، وأيش هو بلايستيشن VR؟

أول شيء بخصوص الموديلات اللي أطلقتها سوني، فأول وحده كانت من PS4 ومثل ما قلنا لكم كانت في سنة 2013م، وبعدها جت نسخة مطورة نحيفة "Slim" من الجهاز في سنة 2016م وكان التطوير في شكل الجهاز واستهلاكه للطاقة، والحين أعلنت سوني عن جهاز PS4 Pro واللي تم إطلاقه في شهر نوفمبر الحالي، وبنستعرض لكم الاختلافات بين الجهاز الجديد والجهازين السابقين:

استهلاك الطاقة زاد في PS4 Pro

جهاز PS4 الأول كان يستهلك 250 واط، والجهاز المحسّن منه قل استهلاكه للطاقة حتى 165 واط، وبعد التحسينات الجديدة في أداء PS4 Pro فاستهلاكه للطاقة زاد وصار لـ 310 واط.

عرض الألعاب بوضوح عالي

أجهزة PS4 اللي قبل ما كان فيها أي مشكلة في عرض الألعاب بدقة عالية، ومع كذا ما كانت مهيئة لعرض الألعاب بوضوح 4K، واللي صار ممكن في الفترة الأخيرة، وصار كثير من الشاشات تدعمه، عشان كذا وفّرت شركة سوني هذا الدعم في جهازها الجديد PS4 Pro.

 

مدخل إضافي للـ USB، وتحديث لطريقة توصيل الـ HDMI

كمان سوني أضافت تحديثات وتحسينات في طريقة توصيل جهاز بلايستيشن بالأجهزة الخارجية مثل الشاشة أو يد التحكم، فهي أضافت مدخل USB3.0 جديد وبكذا صار عددها 3 مداخل، وكمان حسّنت مدخل الـ HDMI وصار الآن يدعم نظام HDMI 2.0 الجديد، وهذا يساعد في بث الفيديوهات والألعاب بدقة أحسن.

ps4  playstation.png

جهاز الواقع الافتراضي الجديد للبلايستيشن PlayStation VR

ps VR.png

تقنية الواقع الافتراضي هي وحدة من التقنيات الجديدة اللي بدت تفرض نفسها بالأسواق الفترة الأخيرة، وسوني قدّمت جهازها اللي يستفيد من هذي التقنية عشان يوفر تجربة جديدة ورهيبة في اللعب لمستخدمين أجهزة البلايستيشن.

جهاز PS VR هو الجهاز المخصص لتقنية الواقع الافتراضي وراح يشتغل طبعًا على أجهزة PS4 فقط، هذا الجهاز ينقل اللاعبين إلى بيئة افتراضية في بعض الألعاب مثل ما تشوفون في هذا الفيديو:

https://www.youtube.com/watch?v=N5L6Qy1CoVA

 

وشلون تستخدم PlayStation VR؟

جهاز الواقع الافتراضي PS VR يجي معاه مجموعة قطع لازم تركبها عشان تعيش تجربة الواقع الافتراضي، ومثل ما تشوفون في الصورة الجاية ففيه جهاز معالجة الواقع الافتراضي ويد للتحكم وكاميرا لاستشعار حركتك.

vr pieces.png

وممكن بعضكم يشوف إن تركيب هالقطع صعب شوي، وعشان كذا فيه مجموعة فيديوهات تشرح لكم طريقة تركيبه، وممكن ما تقدر تحفظ الطريقة من أول مرة وتحتاج إنك تشوف الفيديوهات في كل مرة تبغى تركب فيها الجهاز، وما راح تشيل هم على باقة الإنترنت الخاصة فيك وأنت تشوف الفيديوهات التعليمية للتركيب في حالة كنت تستخدم باقة الإنترنت اللي تقدمها خدمة جوّي الجديدة، فهي تتيح لكم إمكانية تعديل الباقة بأنفسكم عن طريق تطبيق جوّي اللي راح تحمّلونه على أجهزتكم الذكية.

https://www.youtube.com/watch?v=DfoyT9bKvpg

1 تعليق
Hassan_Alsaud
زائر عابر

ممتاز مقال مفيد جداً استمر 

نبذة عن الكاتب
Error 404 Page