عليكم السلام
نعم أخوي اذا ظهرت لك الرسالة سيتم الغاء باقة رواد
تقدر تشارك مميزات باقتك مع كل أجهزتك بسهولة بإضافة كل أجهزتك تحت حسابك. لما تفعّل شريحة جديدة لكل جهاز لازم تستخدم نفس معلومات الدخول اللي استخدمتها لتفعيل شريحتك الأساسية لجهازك الأول. بكذا كل أجهزتك تضاف تحت حسابك وتقدر تشارك باقتك ومميزاتها معهم وتقدر تخصّص لكل جهاز حصة من إنترنت ودقائق باقتك حسب حاجتك إما بزيادتها أو تقليلها.
لنفترض إنك حبيت تشارك باقة البيانات مع الآيباد:
- قبل ما تبدأ المشاركة، لازم تفعّل شريحة جديدة للآيباد باستخدام نفس بياناتك الشخصية اللي استخدمتها لتسجيل شريحة جوّي من STC اللي عليها الباقة اللي تبغى تشاركها.
- ركّب الشريجة بالآيباد
- على موقعنا، انتقل إلى قسم تفعيل الشريحة في الخدمة الذاتية
- ادخل رقم الجوال عشان يوصلك رمز التأكيد PIN
- ادخل رمز التأكيد PIN اللي استلمته من الموقع. وبكذا شريحتك تكون جاهزة
- الحين، ارجع للتطبيق بجوالك
- اختار من القائمة الرئيسية "إدارة الأجهزة"
- هنا تشوف وتختار شرائحك الإضافية وتعيد تسميتهم
- حدّد كمية الإنترنت اللي تحب تشاركها مع الآيباد
نايف.
