حياك الله اخوي علي،
ياليت تجرب هالخطوات وتخبرنا عشان نقدر نساعدك بشكل افضل يالغالي.
1- هل وصلتك الرسالة الترحيبية على الجوّال؟
2- هل مبينة معاك الابراج و علامة جوّي في اعلى شاشة الجوّال؟ وهل مبين معك الاتصال سواء كان 3G او LTE?
3- ايش نوع الجهاز اللي جالس تستخدمه في تفعيل الشريحة؟
4- لو حبذا تتصل على 123 و تخبرنا لو سمعت الرد الآلي او يقطع معك الخط؟
وياليت تجرب تطفي الواي فاي و تشغّل البيانات و تسوي اعادة تشغيل للجهاز,
و بعدها تحاول تفتح لمتصفح و تبحث عن اي شي على قوقل بس عشان نتأكد ان الانترنت (البيانات) شغّال في شريحة جوّي.
في حال كان شغال ياليت تحمل تطبيق جوّي سواء كان جهازك آيفون أو اندرويد من google play او app store
بعدها جرب تسجّل دخولك على التطبيق بالإيميل اللي سجّلت فيه في موقع جوّي من STC .
في جميع الحالات تأكد ان الواي فاي مُغلق و انك شغّال على بيانات شريحة جوّي.
في حال ما تفعلت معك الشريحة ياليت تجاوبنا على الأسئلة الموجوده في أعلى الصفحة عشان نقدر نساعدك بشكل افضل.
اما بالنسبة لكملة السر و عدم استطاعتك تسجيل الدخول، ياليت تسجل خروجك من الموقع ثم تضغط على دخول و تختار خيار الايميل ثم تضغط على نسيت كلمة السر؟ راح ينرسل لك ايميل برابط لإعادة تعيين كلمة السر اخوي.
في حال احتجت اي مساعدة لا تتردد في التواصل معنا اخوي موجودين بخدمتك دائماً.
دُمت بود،
نورة عبدالله
